超級為食的周晉晉

呢個周晉晉,
除左個樣好似我之外~
(呵呵, 個個都係0甘講的 !!!)
仲遺傳左我為食既本性
每日有基本既奶奶同粥仔外
仲有蘋果, 飽飽, 餅餅... 不停口

當每次大人食野, 事必定望到實
然後跟住我地個咀係到"郁" 再配合一個勁想食既樣~
好幾次都以為佢個咀仔入面有0野, 其實係"冇" ...真係嚇一跳 !

每個星期WEEKEND 同公公婆婆飲茶~
一坐底都會開始郁身郁勢好興奮0甘
因為知道最錫佢既婆婆會餵飽飽俾佢食
仲要一食, 可以食到半個嫁 ! 你都唔好話佢唔利害 ~

食完飽飽心情幾好 ^^

所以呢... 我都幾肯定呢隻仔,
第時大過應該會係0個種
俾0野佢食就會跟人走左佢0個種 ==