我要當媽媽嚕

 

今日係2月最後一日, 距離小L 既預產期仲有18日… 緊唔緊張 ?! 話唔緊張就呃人啦, 梗係緊張啦.早2日產檢0個時, 醫生CHECK 過小L 頭仔已經調左而且都已經過左37週之後, 即係代表小L隨時READY黎到呢個世界.

心情其實都真係幾矛盾, 又想快D見到佢, 見下我個小寶貝( ~ 呵呵, 當媽媽既就係甘肉麻 ) 之但係 … 一諗到生要入產房個一刻, 真係 “堅” 驚.  (順帶一提因為我係政府生, 所以冇得選擇, 順產是也).  甘大個女都未入過醫院, 面對一個甘大既PROJECT, 真係呢標冷汗嫁…ANYWAY點都要負返責任去做好呢一個關乎人生既大PROJECT. 入產房只係呢個PROJECT既第一步.

有時同自己講, 我已經比好多女仔幸運, 除左生小L 個刻既皮肉之苦要自己去面對之外. 我所有屋企人都好支持我呢個PROJECT, 我老爺, 奶奶, 老豆, 媽子, 小L既姑媽們及伯伯伯娘, 個個都很支持我地. 所以我一驚個時同自己講, 甘多人支持我地3個, 冇咩係叫攪唔掂. 我要俾勇氣生小L出黎 !!!! 好振奮既說話, 不過對我而家呢個將臨盤既大肚婆黎講, 堅WORK.

除左多謝屋企人支持, 都要係到讚下L先生既表現既, 自從我有左小L到而家, 係佢清醒既時候, 佢真係十分貼心及盡心盡力去照顧我 . 但係唔清醒既時候, 好似半夜, 有幾次我好唔舒服, 真係叫到好大聲, 佢都係聽唔到 = =  老公你幾時改下呢個習慣呀, 唔係我半夜生得點算?!  

哈哈, 多謝老公你既照顧 !  請你今晚要繼續努力幫我按腳喇… 哈哈哈.

 之後除左MAKEUP SHARING 之外, 我都會不定期打下育兒/親子SHARING 先 !

哈哈哈 ~ 我要當媽媽嚕 ~ 加油 !!!!  

新娘化妝 @ Onkei and Siu Pak

Onkei 同小白都係好友既好友, 數下手指都認識了十年多嚕
好開心今次可以擔任Onkei big day 既化妝師
(識左onkei 0甘耐0個日先知原來佢英文名叫connie)

 

Onkei 佢好放手0甘將佢自己交俾我, 真係謝謝你baby ~
4個髮型都係較向自然
而妝就配合Onkei 較型既風格, 深啡系為主
一反新娘多走的甜美風

祝LO 生/LO 太年生貴子 ^^
很高興有參加你地既婚禮　　

龍年行好運啦喂

拖到今日先寫返新年既BLOG
真係好懶...哈哈

今年係我嫁入周家第一年既新年,
大家族新年氣氛確實真係好熱鬧
大年初一L先生大家姐一家過左香港玩, 屋企變得更熱鬧
佢地男家0個邊親友比較多
所以由年廿八開始, 已經有好多團年飯局, 節目...
我已經好耐冇試過初一到初三係0甘忙碌嚕

大年初一 :
起身同大家拜年後, 係屋企食中飯, 再去青衣嫲嫲到飲茶拜年
之後再去其他長輩家坐坐
再返天水圍家食晚飯~ (那晚大概有30人在家吧, 利害利害 ^^)

大年初二 :
起身回娘家開年, 晚上到舅父家食豐富既開年晚飯

大年初三 :
跟大家姐一家去左香港公園, 山頂玩
0個日真係凍到冇朋友
好似差一點要落雪0甘... 毛毛既雨, 大大既風
好在有小L呢個小暖爐係到...冇有怕 ^^

年初四 :
開工大吉 ~ 今年要順順利利 ! 升職加薪 ?! 哈哈 !
好多經理, 同事都好客氣, 知我結左婚但係都照派利是俾小L
祝佢快高長大, 身體健康~ 感動感動

呢個龍年節目係唔係好豐富呢 ^^

今年都係我同L先生第一年派利是
冇錯, 入利是封0個時係有小小小小肉痛 ... (血汗錢哇 !)
不過原來派俾人0個時, 大家既互相祝福 
錢唔錢真係唔重要嚕, 確實係開心開心~

今年小L 係我既肚肚入面, 都收到好多利是~ 真係多謝各位
都係0個句, 利是既多小真係唔重要
最重要係大家對小L0個一份 "心意"
下年新年等佢自己同大家親自請請, 拜個"令" 年喇喂 !
快3月了, 好緊張喔 ^^

Silly sharing ~ 眼線 (Liquid)

再來一個Silly Sharing 先 ^^
無論係自己化妝還是出化妝outjob
我最常最常用的都是眼線液
因為眼線液是最持久and效果最明顯 (相對筆及0者喱眼線)
而個人認為一支好眼線要夠黑, 掃畫上眼時要夠順同埋快乾
有否遇過一支集合以上優點的完美眼線液 ?!
說真的到現在還未有...

Silly Sharing ~
(以下為我最近期多用之品牌自我感覺評分*****為最高,
以掃頭/易乾/價錢/顏色為準)

我較為用較長久的眼線液品牌是 "Kiss Me"
1/ 掃頭 : 極細只有0.5 mm 和十分之順滑, 絕小出現" 9亞" 的情況, 初學者亦容易掌握 ****
2/ 快乾 :  塗上後不用約半分鐘已經乾透, 不會將弄髒眼妝 *****
3/ 價錢 : 平，一支只需HKD68.00, 相對一些大品牌既眼線液, 動不動HKD180 ~ 200多元不
    等, 效果相近, 所以此價錢絕對超值 *****
4/ 顏色 : 但是...顏色總是不夠黑, 只可應付於自然日妝上, 但係用於較濃的彩妝上, 總是遜色一
    點 ***

CANMAKE 極黑0.05 mm 眼線液
CANMAKE早在半年前出了一系極黑眼線的ITEM
因為總覺得KISS ME 不夠黑的關係, 睇到呢個賣點後, 我就馬上到千色買左一支
1/ 掃頭 : 極細只有0.5 mm 和十分之順滑, 跟KISS ME 沒差 ****
2/ 快乾 : 比KISS ME 難乾, 畫上眼線液後, 仍見到濕濕的效果, 最快需半分鍾才剛開始乾透 **
3/ 價錢 : HKD80/支, 可以接受 *****
4/ 顏色 : 較黑, 一般彩妝或大眼妝均可應付.  但是如果想效果再出多一點, 仍要多畫一次才足夠
極黑的效果. ****

HEAVY ROTATION PERFECT LIQUID EYELINER
經化妝師好友ZOE介紹, 於SASA內均可買到
1/ 掃頭 : 較大但易掃, 初學者可能會難控制, 很容易地畫出一條過粗/不平均的眼線 ***
2/ 快乾 : 易乾, 畫上眼線後不用半分鐘已可乾透 ****
3/ 價錢 : 跟CANMAKE一樣, 約HKD80/支成交 *****
4/ 顏色 : 絕對夠黑, 畫上一次眼線十分之足夠應付彩妝/大眼妝上 ... *****

** CANMAKE支眼線已不翼而飛 ?!

每人每物件都沒有完美
買化妝品就好似識朋友一樣
人夾人, 合適你既同時, 又未必一定會合適另一個你
所以以上意見未必100%岩你, 你, 同你既心水
只係我一些Silly Share, 同大家分享下0甘囉 ^^
Have a nice nice day ~

我多會於下眼線位置1/3之地方畫上眼線, 令眼睛看起來更大更有神
用眼線液晝上可以麼 ?!
是絕對可以, 而且效果會較持久, 不容易溶化成熊貓眼 !
之但係如太用力畫上後, 如紋眼線一樣的效果
都係建議先用回眼影粉/眼線筆去做
因為紋眼線的效果是絕對會令你看起來老了而且眼睛並不會有放大效果 ...
如真想用眼線液去做下眼線, 請緊記必需要 "輕輕力" 地掃上
多試幾次就可熟能生巧喇喂 ^^

Silly sharing ~ 遮暇膏

 
自從有左小L 開始
(順帶一提小L已經有自己的英文名, 不過都係等他出世後, final 確認先再共開啦)
從Skin Care 到化妝品, 我都不敢隨便亂用
因為始終太多化學成份既化妝品會對他的發展不太好
但係如果叫我不化妝外出, 確實過不了自己...
所以最好既方法就是嚴選化妝品

粉底方面, 我由很早開始已改用醫學品牌VICHY的BB Cream
因為VICHY的BB Cream 是不含防腐劑
相比其他品牌的粉底傷害性較底

距離小L 出世日子不遠
每一晚都冇覺好訓既關係...我個樣一日殘過一日
BB Cream 的遮暇度根本已經不足夠遮蓋我深深的眼圈及黑斑
所以上星期只好去FANCL 走一轉. 目標是...遮暇膏
因為FANCL 的賣點是 "無添加", 對而家既我黎講, 確實係會比較合適,
而且價錢比起其他聲稱對小孩子安全既大品牌較為合理
(未有小L之前我真係未用過FANCL任何一樣產品, 總覺得跟我不太合吧, 哈哈)

再講講而家我情況來說, "遮暇液"已經是絕對不可能起任何作用
所以我唯一選擇就是 "遮暇膏"

Silly Sharing ~ 試後感 (*****為最高)
~~~~~~~~~~~~~~~~~~~~~~~~~~~~~~~~~~~~~~~~~
質地 : 一點都不乾 = 不容易出紋 **** Good !

遮暇度 : 不錯 ***

請留意我粒墨墨 (BEFORE)







請留意我粒墨墨 (AFTER)

 

價錢 : HKD 135, 另第一次需買 "外殼" 約HKD 45 = Total HKD175.00, 合理 ****
(用完補充的時候只需買HKD135補充芯便可)

份量 : 不多, 按星期一至五上班用量計算, 應該個多月便要再入手了 **


顏色選擇 : 只有2隻色, 未可合付不同情況的眼圈顏色, 但始終FANCL不算是專業彩妝品牌, 所以個人覺得可接受 ***
(以我情況來說, 選了一隻較深色的, 但不可塗上太多, 會容易有偏黃情況, 所以只需輕輕的塗上一層, 便減小此問題發生)

 

我唔係一個beauty blogger, 不幸地所有Skin Care 及化妝品都係用本人的血汗錢去買的, 所以...以上及之前的Sharing 所講既都係個人真心的感想喔 ! Thank you ^^