寒冷的堆沙比賽&再遊迪迪尼

今日在追BLOG既同時, 心情時超超超爽的, 因為我地聽日出發去台中旅行喇 !! YEAH ~
五日四晚既台中之旅係大頭第二次外遊了, 不管將來大頭對呢個旅程有冇印象 BLA BLA BLA ... 總之佢阿媽我極度需要外出散散心, 開心一下。好期待喔 !

好吧, 回正題 ! 一月初仍然係超.級.之.凍.
大頭學校園跟其他同機構既學校在天寒地凍下舉辦左一個堆沙比賽?! (不要問一月舉行沙灘活動原因, OK ?!) 一家三口穿到隻糭甘係沙灘玩, 哈哈。

同行有大頭既要好的女同學, 有要好的女同學在身邊大頭好乖好乖。但實在太大風同有下場關係, 半個鐘到就同老師同學們SAY GOODBYE閃左嚕。 

沒錯, 沒睇錯 ... 相隔半個月又去多次迪迪尼。今次Y小姐原故所以有機會去多次。上次爸爸冇份去, 今次唔使開工可以一齊去玩喇。

 

 

 

 

大頭同姑媽黎個次俾姑媽壯大左個膽, 所以今次好多野都敢玩。見佢都幾聽話, 仲買左把 "巴斯光年"手槍俾佢開心下。 終於都玩到反斗車王, 最初STAFF又係話要排一個鐘, 我今次死唔信結果二十分鐘就上到車啦。咳咳.. ! WHY ?~

 

 

興奮既除左大頭仲有老公大人，自己一個玩左幾個機動遊戲。嘿, 我都唔執輸, 終於玩左灰熊山谷, 不算驚 ... 向後個時係幾爽幾好玩。

 

 

 

 

 

 

就係甘又呃一篇了, 哈哈 ! 明天出發, 我真係好開心好開心 ^^ 回來見 ! BYE ~

 

 

Please follow :

Fans Page : https://www.facebook.com/emmatungxmakeup

 

Blogspot : http://sillyemmaxemma.blogsport.hk/

Sina blog : http://emmaxemmaxemma.mysinablog.com/

The Ztyle blog : http://sillyemma.theztyle.com

Email : emma.tung0303@gmail.com

Instagram : emmaxemma

 

 

陳江大婚 20150227

2015年是我朋友圈中的大喜年喔, 一連兩個月都做姐妹呀 !
力高小姐在2015-02-27 當日順利嫁出, 哈 !

今次身份跟上次丙出嫁時一樣, 姐妹加姐妹化妝師。再一次驗證朋友種類都是物以類聚的 (原諒奴婢詞窮), 因為當日的兄弟及姐妹都是十分玩得之人。

婚禮由早到晚進行得十分之順利, 不枉新娘子多個月黎既努力 !  識係你甘耐好似第一次讚你啊。


今次接新娘遊戲由我負責, 都係離唔開嘔心呀, SWEET SWEET既遊戲囉。 不過最攪笑既係攪怪眼鏡及口罩。在丙婚禮當日用過, 當時班兄弟帶左實在太好笑。所以問過力高新娘後今次就照辨甘租黎用 ! 如有興趣請PM取雲妮小姐聯絡, 價錢公度, 我地租左眼鏡, 口罩仲借多個好靚既門欄. (費用 : HKD120 租金/另加HKD600 按金, 沒壞全數退回)。快結婚既玩得之人可以考慮考慮。不是朋友, 純粹分享給姐妹們一個攪笑影相好選擇。

還有當天的婚宴酒樓也值得一提, 酒樓負責人S小姐超級專業 ! 當晚幫忙我姐妹們不少。上至佈置下至影相幫忙排位, S小姐真的在盡心盡力去幫忙, 出化妝JOB, 做姐妹都到過好多婚宴酒樓。S小姐既服務絕對可以排在前三名之列, 真心超讚。

莊士倫敦廣場2樓 譽宴 : http://www.u-banquet.com/index.php/Index/branch?id=17

大頭仔都係婚宴既坐上客, 這小子少見大場面。陳生陳太簽紙個時,入場個時, 超興奮甘拍手, 好似係海洋公園睇海豚表演甘 (汗) 整晚表現算不錯了, 可能有表演睇既關係 (表演指簽紙, 成長片段個D), 當然要記照顧大頭一晚既老公大人一個大大大功吧。

婚禮前有陳生夾定左一個催淚彈給江小姐, 在簽紙後送上99支玫瑰 (玫瑰花跟由好友卡文小姐花店 Brownie Florist 主理)。好靚超有睇頭 ! 在陳生送俾陳太既一下, 我忍唔住感動到喊左出黎。(我知我知, 收既唔係我不過真係感動呀嘛!)

Brownie Florist Facebook : https://www.facebook.com/pages/Brownie-Florist/337040426455492


給陳生陳太 ! 百年好合, 永結同心 ! 開心展開一生新一頁 ^^
P.S .: 陳太 : 嫁作人婦後請不要再老牛聲及吐排骨時請"烏"低身啦 !


Please follow :

Fans Page : https://www.facebook.com/emmatungxmakeup

 

Blogspot : http://sillyemmaxemma.blogsport.hk/

Sina blog : http://emmaxemmaxemma.mysinablog.com/

The Ztyle blog : http://sillyemma.theztyle.com

Email : emma.tung0303@gmail.com

Instagram : emmaxemma