聖誕聯歡會表演

大頭學校在聖誕節前舉行左一場聖誕節表演! 各級同學均有份參與。
每晚放工回家都好奇問大頭, 老師叫你地表演咩呀 ? 一舊飯的他都會回答一些無聊答案。有次好似答表演食雪榚。所以表演項目一直是一個 [謎]。

表演當晚各家長都是出動晒家中最專業既攝影器材(長鏡, 短鏡, 單反 ....), 最專業既電話(Iphone, Note 4 ...),  就是為了捕捉家中小寶貝孩在台上的一個MOMENT ! 敢說當晚的攝影器材絕不遜色於某明星的記者會所出現過的。

 

 

 

在K3班的哥哥姐姐在表演"耶穌降臨"既同時 (可愛^^), 老師有台下集合N班小朋友。當時我一直都在擔心大頭唔肯出去死痴住我地。還好擔心是多餘的, 老師叫集合時大頭第一時間衝出去集合地點。從集合開始大頭一直東張西望 (呆") 上台後更擺出一副 "發生咩事"既樣 ?!!!!!! 

 

 

 

好吧 ! 謎底解開了, 原來是表演唱耳熟能詳的"耶穌常伴我" (我在家聽過千次, 不過時BB亂唱版) 嘿 ... 有幸企在正中的大頭一直KEEP住呆樣東張西望 (汗) 開始投入時...唱完 !!! 呵呵 !

 

 

 

 

還有要記底的是, 當晚學校有安排抽獎活動。不定時在表演休息時間抽出十位幸運兒, 抽六次共六十位。在完SHOW後準備打道回府時, 第六十個居然抽中大頭, 哈哈 ~ 雖然是一份小小女孩子禮物, 但係中獎感覺確實是"爽"的 !

 

大頭N班表演就這樣完滿地結束, 下年上台時已經是K1生囉 ^^ 

 

Please follow :

Fans Page : https://www.facebook.com/emmatungxmakeup

Blogspot : http://sillyemmaxemma.blogsport.hk/

Sina blog : http://emmaxemmaxemma.mysinablog.com/

 

The Ztyle blog : http://sillyemma.theztyle.com

Email : emma.tung0303@gmail.com

Instagram : emmaxemma

N班旅行

大頭上N班後, 我最最最期待學校活動如下 :
1) 家長參觀日
2) 學校秋季旅行
3) 運動會

呵呵, 1) 同 3) 暫時未有... 更加唔知有冇 ! 秋季大旅行在剛剛星期六完成了。我很不考地拉埋大頭嫲嫲落水, 估唔到當日好凍(絕對唔係秋季旅行是冬季吧) 早知免得她老人家辛苦又要挨餓... 當日大頭同我都超級開心, 老公大人都出奇地興奮, 少有去買零食的他竟然去了759阿信屋一趟。

準時9點學校集合, 大頭這小子在班上竟然是個受歡迎的學生 ?! 成個朝早都聽到媽媽們對大頭說 : 你就係晉晉呀, XX 係屋企成日提起你嫁 !" (悄悄話 : 當中有兩個是女同學喔, 安慰安慰 !!!)

旅行目的地是老遠的西貢獅子會自然教育中心, 學校十.分.盡.責地 (汗) 每人派一張工作紙給家長跟學生們，在各中心中找答案 (說好的旅行呢?!!!) 。所以媽媽們到達後都在忙碌地找呀找 ! 小朋友都在玩呀玩 ! 有朋友在的大頭好像比平時較聽話，同學媽媽請食壽司, 他會將自己心愛的益力多送朋友仔 (嚇 !!奇境唷 !!)

找下答案行下食下影下 ! 大頭有朋友仔相伴超級開心, 拖住朋友仔到處走, 四圍玩。

 

仔生是外向的... 大頭跟在班中較要好的女同學在搵答案時相遇, 遇見後不時細聲講大聲笑。女同學不小心跌倒, 馬上(係馬上)拍拍同學腳仔及加以安慰. 大哥哥行為喔~   哈哈, 媽沒呷醋 ! 只不過被你這個紳士舉動有點兒嚇倒 (呆~) 真的是我大頭嗎 ?! (奇境唷 x 2)

 

玩埋集體遊戲打道回府 ^^ 大頭第一次旅行順利又完滿地結束  ! (鼓掌鼓掌~)

 

 

 

有時跟媽媽朋友們都有在討論返N班問題, 我個人啦, 我個人情況來說是需要的
原因不是要讓大頭贏在起跑線上, 最大原因是獨生兒關係早點讓這小子學習群體生活。
早一年好過遲一年, 確實大頭返學之後明顯地很多事情都要有進步的
常聽老師說他在班中是活躍 (攪事份子) 唱歌答問題每每是頭一, 二個舉手的, 同時亦算合作的小朋友 ! (真的麼?! 識佢甘耐都唔覺既)  
相反地在家人身邊就會變回無惡不作的小惡魔, 咩都要DAD DAD, 媽咪 ~
感恩大頭人生第一間學校就幸運地遇上好學校好老師 。
讀唔讀N班真的是個人問題, 請不要介懷或人家比較吧 (跟餵人奶情況一樣)
好友曾跟我說 ... 大人應從小孩心智品格方面發展去想才是皇道喔 !

Please follow :

Fans Page : https://www.facebook.com/emmatungxmakeup

Blogspot : http://sillyemmaxemma.blogsport.hk/

Sina blog : http://emmaxemmaxemma.mysinablog.com/

The Ztyle blog : http://sillyemma.theztyle.com

Email : emma.tung0303@gmail.com

Instagram : emmaxemma

週末閒逛

星期六, 天晴

 

訓到十點起身, 出發到V CITY 逛逛 (跟保險姐姐有個約會喔 ! )

下午茶時間再相約C跟M到置樂開心一聚 (開心開心)

在屯門長大的[屯門友] 去罝樂必定識去兩大蒲點
(1) 萬寶商場
(2) 置樂粉仔

年青時在置樂確實留底了不少腳毛
先說說萬寶商場吧 (粉仔留待下次詳盡介紹)
 形容它為屯門利時 ?!屯門旺中?! 嘿 ... 蠻貼切的說 !
  
韓風, 港風, Vintage ...咩風都可以吹到, 衣服質地很好, 款式絕不過時。
丰儉由人 !!! 五十到幾仟蚊都有 !
趁轉季時姐妹們到屯門時必定要去看看喔
尋寶的好地方 (讚讚)

沒可能在商場內拍照, 因為每次用盡眼力去看呀看呀, 不太可能有時間去拍照呢 !?
SHOPPING 大業是不能有所抬慢的 !

(圖取自網路)

地址 : 青海圍2號
https://plus.google.com/107032287496479562211/about?gl=hk&hl...


跟兩位可愛既女人逛完一大餐後, 黃昏時仍有精力跟大頭出尖沙咀影燈飾, 閒逛 (累)
好像第一次走完整條星光大道
尖東的燈飾, 說實不看也罷
就這樣過了一個平安又開心的週末, 感恩 ^^
 

  

 

 

Please follow :

Fans Page : https://www.facebook.com/emmatungxmakeup

Blogspot : http://sillyemmaxemma.blogspot.hk/

Sina blog : http://emmaxemmaxemma.mysinablog.com/

The Ztyle blog : http://sillyemma.theztyle.com

Email : emma.tung0303@gmail.com

Instagram : emmaxemma

[腦力遊戲]

去年十一月歲半大頭經歷左人生第一次考驗, 考.N.班。
其實唔可以話係咩考驗既因為考既係我, 唔係佢 = = 佢只係如常係到玩, 玩, 玩 !
幸運地三間中有二間考上了 (萬分感恩) 一間是全日, 一間是下午
說實在... 我有點不捨入學時才剛二歲半的大頭上全日幼兒園, 因為有點點可憐的感覺
(個人啦... 其實讀全日對獨生兒來說是好事, 可以學習群體生活, 但是理論跟捨得是兩回事喔)。亦萬分感謝地家中長輩-奶奶願意幫忙照顧，所以有選擇地大頭也是入讀下午班的學校。

由八月開學到現在已快三個月, 大頭都可說是習慣了在幼兒園半天的生活 (間中仍
會收到老師小小投訴)。又再次感恩地大頭遇上好老師, 班中同學亦很乖很斯文。有時
大頭在家喃喃地唱在學校學的兒歌... 有時在叫同學仔的名... 爆可愛 ^^ 哈哈

快上K1 的大頭今年11月再要經歷 [面試] 這玩意，現在讀的幼兒園沒問題, 不過父母嘛
 ... 能完美一點便完美一點。在讀下午班的大頭, 放學後常常很累回家馬上去睡, 睡直到
晚飯時間.. 睡不夠情況下心情不好又在吵 (好煩),  晚晚限他十點返房..., 他有努力去睡的不過黃昏既小覺後, 起碼十一點先訓得著 (累), 更何況長大一點, 該放手試試全日學校亦無防嘛 ! 

 

面試過程不多說了, (又長又吟, 只會令大家有打人既衝動) 其實從交申請表既時間...
已經是 [腦力遊戲] 既開始。明顯地用腦絕對不是我既強項, 在我本人既極低智慧
安排下 ... 未開始已經有個好大既壞消息, 令我有[輸左] 既感覺。不過為子向前行,
不可氣餒 ... 亦感激大頭在面試當天跟我並肩作戰 (表現不過不失吧 ! 仍有幾下想 "鐘"
佢既情況, 媽媽們你.懂.的, 嘿 ! )

Please follow :

Fans Page : https://www.facebook.com/emmatungxmakeup

Blogspot : http://sillyemmaxemma.blogspot.hk/

Sina blog : http://emmaxemmaxemma.mysinablog.com/

The Ztyle blog : http://sillyemma.theztyle.com

Email : emma.tung0303@gmail.com

Instagram : emmaxemma

[Pre姐妹聚會] 韓國料理之夜

又係寫食 ! 年底節日氣氛濃, 特別多聚會

跟明年初當新娘的力高大嬸及其中的姐妹們食飯, 算是一個Pre 姐妹會吧 ~

 

本來是去牛一的, 不過等左半個鐘都冇位所以轉戰樓上新羅寶。

 

 

可能大頭當日夠訓, 成餐飯都冇點扭計... (乖~)

必食推介 : 燒牛肉 ... 超超超JUICY ! 仲有部隊鍋喔 ...個湯唔太辣又不失霸氣 ! 哈哈

 

食完野走到希慎附近, 居然見到韓國 Honey Creme (鼓掌 !!!!)

想試好耐終於俾我食到喇 ... 好感動 !!! 達哥哥請客, 些些 

食埋個韓國雪榚, 乖乖返屋企訓覺囉。

 

P.S 大頭成晚都愛黏著大美人CHERRY姐姐跟可愛NANA姐姐, 男生的天性吧 !

果然識貨呀仔 ! 力高姐姐會傷心的喔

 

 

 

Please follow :

Fans Page : https://www.facebook.com/emmatungxmakeup

Blogspot : http://sillyemmaxemma.blogspot.hk/

Sina blog : http://emmaxemmaxemma.mysinablog.com/

The Ztyle blog : http://sillyemma.theztyle.com

Email : emma.tung0303@gmail.com

Instagram : emmaxemma

[高茶 HIGH TEA] @ WIRED CAFE

 

某個星期六

天晴

無聊的一家三口到尖沙咀高茶去 

 

平時大愛此間WIRED CAFE ! 環境一流 (感覺置身日本商場中), 食物水準超晒班 !! 

聚會的好地方

 

不過原來是高茶茶餐的 '殺手'

那個簡直好似像非洲直送的鬆餅 (因為是黑黑的), 跟隨著一個怪怪的炭燒味道 

底部的三文治... 都是 [清]及 [好淡] 為主 (汗")

蛋榚妹妹, 妳們尚算, 是尚.算.合格 !

 

當然...總有加分食物, 搶分的功臣就是底層的 "紅豆日式湯圓"

高茶有湯圓 ?! 日式嘛 ...

所以說... 下次高茶是該去老外地方高茶會比較少 "驚"喜吧

始終高茶都老外玩意, 對嗎 ?!  

 

 

 

無無聊聊寫下食又一篇了... 哈哈哈 ! 週末快樂 ^^

 

 

Please follow :

Fans Page : https://www.facebook.com/emmatungxmakeup

Blogspot : http://sillyemmaxemma.blogspot.hk/

Sina blog : http://emmaxemmaxemma.mysinablog.com/

The Ztyle blog : http://sillyemma.theztyle.com

Email : emma.tung0303@gmail.com

Instagram : emmaxemma

[開心郊遊] 家庭小聚會

終於有點兒秋意了 ! 要好好把握野餐的機會 ! 跟好友C 及 M 相約到M家一聚 (倒亂) 及野餐去。在M家附近有個新開放的草地, 環境超好 ! 超乾淨 ! 旁邊有個很大的遊樂場, 超合一家大細, HEA下食下野, 玩大半日絕對沒問題 ...  (讚)

 

 

 

 

男的帶小的去玩, 女的在草地中攪笑自拍 ! 同場加映韓國阿朱媽賣年榚扮相 ! 超愛這兩個無聊的好友 ! (咀~)

 

 



 

 

 

又一篇, 哈 ! BYE ^^

 

Please follow :

Fans Page : https://www.facebook.com/emmatungxmakeup

Blogspot : http://sillyemmaxemma.blogspot.hk/

 

Sina blog : http://emmaxemmaxemma.mysinablog.com/

 

The Ztyle blog : http://sillyemma.theztyle.com

 

Email : emma.tung0303@gmail.com

 

Instagram : emmaxemma

 





[開心郊遊] 十月火熱南生圍

秋天來了 ! 近年蠻流行野餐這個玩意。

一行四人(細姑媽, 老公, 我跟大頭) 十月初長假期時去了南生圍野餐。

野餐的食物是野餐活動中很重要一環... 這一次由老娘來負責... 嘿 ! 菠蘿腸仔走不掉，哈哈 ... 難度是零，不過本人心意搭夠 ! 韓式飯卷，韓式炸雞 ... 利害吧~ 其實我是在家附近韓食店買~ 哈哈, 難度也是零 ! 薯片零食... 難度仍是零 ! 零難度的野餐食物沒有留影, 在心中 !  (好不要臉的人妻~) 

 

 

十月初天氣仲係好熱好熱... 南生圍是完.全.沒.有.風.的 ! 超多昆蟲同蚊~ (噁!)

但絕不影響大頭既興緻 ! 多幸福的大頭有細姑媽陪玩~ ^^ 踢下波波, 吹下泡泡。
因為太熱既原故, 影下相食下野坐左個零鐘就閃人

 

南生圍交通/行程小分享 : (各人出發地點方式不同, 參個便考而已^^)
天水圍坐的士到南生圍入口 (約四十幾蚊)
南生圍入口到坐一個超級短既橫水渡 (每位六蚊, 有單車七蚊)
(橫水渡步行到大草地約10分鐘)
回程 : 同上 ... 不過改錯小巴轉西鐵返天水圍

除非你 ~~ 自己開車, 俾貴一倍的士錢或兜一個大圈步行到草地... 那就請你乖乖付六蚊坐不用三分鐘的橫水渡吧 !

野餐活動將會在這個可愛的秋天不斷地舉行, 留意更新喔 ~~ ^^ BYE

Please follow :

Fans Page : https://www.facebook.com/emmatungxmakeup

Blogspot : http://sillyemmaxemma.blogspot.hk/

Sina blog : http://emmaxemmaxemma.mysinablog.com/

The Ztyle blog : http://sillyemma.theztyle.com

Email : emma.tung0303@gmail.com

Instagram : emmaxemma

2014生日大大快樂

過左成個幾月先打生日BLOG, 沒有打BLOG的念頭因為心情超不佳，體型方面有一丁丁點回落，好事 ?! 壞事 ?! 不知道 ... 抱著因禍得福心態吧。

三十幾歲生日當天，作為一個香港人識去當然去生日免費入場既海洋公園。門票入小撇步... 像我家一行三人，大嬸我生日不用門票，愛兒大頭未夠三歲不用門票，只需要買老公大人門票一張。沒有在正門入手, 因為正價承恵三百二十大元 (汗') 生日前天便去 [中旅社] 入手, 票價二百七十大元, 足足省掉五十個大洋 ... 哈哈哈 ! 一個慳五十，二個慳一百... 小數永遠是怕長計的 ^^

去年生日也有帶大頭到過海洋公園, 仍是一舊飯的他完全不懂去過那, 今年變長大成了一個小小男孩, 開始感受到去樂園的樂趣。先去海洋劇場睇表演，十幾年沒去看過為了大頭去看看嘛, 果然這小子抵擋不住超可愛的海豚/豹表演，一邊睇一邊拍拍手 !

 

而一向是機動控的老媽我，當天一.個.都.不.能.玩。只可以玩玩摩天輪 ...之後整個下午有在兒童皇國 (舊名) 內溜，不用入錢的小火車，迷你版八爪魚，旋轉木馬... 大頭少爺全部SAY NO ! 入錢的舊式搖控車，入錢的舊式滅火消防員...全部PLEASE !!! (暈 ! 十蚊次耶~ 超拿利 !!!) 不過難得入黎玩, 老媽豪氣一次半次吧 ! 最後半哄半就去玩了一次小火車... 還好這小子玩一次後便克服, 之後瘋狂玩了四, 五次 !

天氣仍然跟夏天沒分別，曬到嘔 ! 四點幾閃人去旺角跟妹妹們會合放題去 ! 不過又不失的大瀛喜放題, 掛住食掛住傾冇影相, 哈哈 ! 感謝家人, 朋友的祝福 ~~ 愛你們喔 ^^

Please follow :

Fans Page : https://www.facebook.com/emmatungxmakeup

Blogspot : http://sillyemmaxemma.blogspot.hk/

Sina blog : http://emmaxemmaxemma.mysinablog.com/

The Ztyle blog : http://sillyemma.theztyle.com

Email : emma.tung0303@gmail.com

Instagram : emmaxemma

[開心購物] CANMAKE Cosmetics Hual

登登登登 ! 一個星期出兩篇BLOG.. 哇哈哈

請給這個三分鐘熱度的大嬸小小掌聲吧 (拍拍拍 ~~)

 

很久沒有寫敗家文了, 原因是沒錢沒時間。懶懶的大嬸早在9月份時有去過CANMAKE敗左小小自用東東，本著個人打文原則要試用過一段時間才跟姐妹們分享 (實情是拖到今天才的起個心肝去執相打文... ) ANYWAY，請俾小小面，抽一丁點時間看看以下分享吧 ! 

 

 

 

** CANMAKE SMOOTH LIQUID FOUDATION

唔知點解包裝有BB兩字出現 ?! 明明是一支FOUDATION ... 質地蠻水潤不"笠" 對於我較著重遮暇度輕易過關。不過另一緊張的出油問題，到中午前開始慢慢出現，控油能力較遜 ! (參考 :上粉前有用SOFINA台版BASE及個人是混合性皮膚唷)。嗯... 百四蚊一支粉底，對我來說算是合格吧 ! 

 

** JUICY PURE EYES

好好用 ! 大大大大大力推介... 易上色不易脫價錢平 ! 不多說, 推 (讚讚 ^^)

 

** 鈄角可愛胭脂掃

人不可貌相，掃亦是 ... 這個對我來說 "萌"到爆炸的可愛掃，唉 ! 怪就怪自己以貌最掃，下次買掃時請各姐妹務必冷靜，記.住.要.試.用，功能性比外貌遠遠是重要很多很多 (汗) 可愛掃已收好收藏在我家化妝包包內 ~ (淚')

 

** LASTING CREAMY LINER

贈品未開封 ... 不詳談 ... 哈哈 ! 沒有啦... 沒有在呃字數呢 ~~~ (揮手揮手)

題外話, 姐妹們無論妳平常化妝時愛畫的眼線是拉長效果, 粗/幼眼線或可能只會畫內眼線等等..下刪數十款，任何一款眼線都請緊記必.要.填.滿 ! 眼線跟睫毛間請不要有空隙出現，在化妝師角度看不美觀，好怪~ 再說在功能性上眼線就是因為沒有填好，所以就變得沒神沒氣的 ~ 畫眼線就不是跟畫龍點精理論一樣... 明天完妝時緊記CHECK CHECK自家眼線有沒有填飽飽喔 !

 

 

 

 

 

(圖取自網路)

 

 

 

Please follow :

Facebook  : https://www.facebook.com/emmatungxmakeup

Blogspot : http://sillyemmaxemma.blogspot.hk/

Sina blog : http://emmaxemmaxemma.mysinablog.com/

The Ztyle blog : http://sillyemma.theztyle.com

Email : emma.tung0303@gmail.com

Instagram : emmaxemma

 

 

月拋大眼仔[深近視版]入手REVIEW

大.眼.CON對我呢個 “豆士” 眼來可說是偉大的發明。其實我眼未算細既… 係入面粒眼珠出奇地 “細” ?!  所以大眼仔對我來說是偉大的 (讚)

“豆士” 眼既我帶左眼鏡後絕對是一個 “四眼烏龜小姐” ，因為本尊 的度數在黃金盛女時期已達到有900度呢 …….(驚) 通常聽到我度數後接下來會問道沒帶眼鏡會睇到什麼  ?! 什麼跟什麼嘛 ?!  明知既，請不要問好不好… 其實500度以上近視既人類除左眼鏡之後睇既都係一“PAT” 野。

還好，TOUCH WOOD ，感恩下數十字…...未到千度仍可以貪靚帶大眼仔。

呵呵~那就來分享一下"月拋大眼仔"[深近視版]入手REVIEW

有帶過既大眼仔牌子不多，因為近視深我選擇很小，特別是日拋牌子好多都冇我既度數。近年最愛買TUTTI鑽石系列 (月拋)@HKD100/盒，灰/黑/紫都有帶過，大愛紫色 (心心) 低調紫不誇張上班完全沒問題。不澀眼~ 每天上班到下班約十二小時，經常冇滴眼藥水的習慣下仍挺舒服的。

 

 

 

 

 

 

DELIGHT 月拋有 好多顏色選擇@HKD100/盒 (唔知有冇加價)，[個人問題] … 每次戴都會有
“眼紅” “眼水”問題出現，之但係朋友們完全沒事，所以…無緣…不詳談 !

 

 

 

 

 

 

 

 

 

 

 

 沒有戴TUTTI前戴了好幾年FRESHKON 大美目@HKD100/盒，早排在屎忽癢下入手了，結果 : 好. 嬲 ! 堅嬲 ! 第一日戴唔知點解好 “更” 好唔舒服， 回家驗查 “爛”左 (唔好學，有唔舒服請要馬上除掉) 。之後…幾日重覆又重覆，一盒又一盒，三個多星期後4盒的月拋在咭數都未找既情況下便K.O 晒(嬲到核爆, 吼~~) 。

 

上次去台灣在[康是美] 買了兩盒POP 1 DAY@ 約HKD120/盒 十對，不算太貴又我既度數。很舒服的1 DAY CON，略遜的是它直徑好像比較細，不過夠自然中間有紫色若隱若現 (讚) 。畢竟有深度數的日拋大眼仔真的不多，推 ^^

買CON的地方也是個小小課題喔，一直在荃灣新城市廣場一樓 的 “時尚眼鏡” 或 “你的眼鏡” 入手 (近759阿信屋) ，價位出名 “平” 跟大牌眼鏡店相比…差不多有八折吧。多年捧場既原因是有兩家都會入好多好多既存貨 ! 嘿 … 大近視既你絕對會明白有存貨的重要性。

時尚眼鏡地址 : http://www.citylandmark.com.hk/tc/shop-directory/index.shtml

你的眼鏡地址 : http://www.citylandmark.com.hk/tc/shop-directory/index.shtml

無聊無聊講下又一篇~星期六了… 週末大快樂…再見   (大揮手 !!!)

Please follow :

Fans Page : https://www.facebook.com/emmatungxmakeup

Blogspot : http://sillyemmaxemma.blogspot.hk/

Sina blog : http://emmaxemmaxemma.mysinablog.com/

The Ztyle blog : http://sillyemma.theztyle.com

Email : emma.tung0303@gmail.com

Instagram : emmaxemma