情人節台灣之旅- 第一天

第一日

一行六人7點半機場集合, 各位團友心情超興奮.

嘿 … 今次去機場唔係反工,  到我地可以去玩喇 (嗚)                          

Check in 後急步入禁區, 急步食早餐, 再急步去GATE 位.

(急步動作全拜PK司機所致, 怒~)

哈, 去到GATE 位李老闆剛好在附近開工, 順便送行.

都係例牌影張 “大頭與飛機” 

時間關係大頭同唔到我地坐個班影相囉.

未起飛時大頭頗乖, 因為好多車車, 飛機睇.  

我仲可以輕鬆輕鬆,  睇下電話影下相.

  

起飛後外面白雪雪, “冇.野.睇”

 嘿 …  開始黎料.   我甘了解愛兒,  點會冇準備呢?!  

一包 “旺旺” 可以頂到十分鐘再開下電視,  飲下水, 又過左半個鐘.

呀…突然一陣好熟既氣味~ 大頭第一次坐飛機居然 “開大"

講真我真係估唔到, 短短個幾鐘飛機, 又點會甘好彩 ~ 玩開大

哈, 就係甘 … 係好窄又唔太乾淨既廁所. K.O 左佢條片~

開完大, 再食過再玩過…  再過多一陣, 安全 到達~  !

YEAH ~到達後去拿行李, 買電話咭, 坐巴士到西門町. 

坐巴士要轉車,  落車到時我居然留低左部BB車囉,  

影相個時仲笑哈哈,  點知原來部BB仲係shuttle 到, 唔記得拎囉 = =  

哈, 失魂大嬸每次去旅行都有"蝦碌" 的, 所以不足為奇. 

(最後老公第二天早上到下車站攞反~~ )

兩點幾到左酒店, 不過要4點先CHECK IN, 沒關係放低行李去搵食 …

整下整下完來已經2點喇, 個個都餓到暈甘滯.

第一站由我最好最NICE 既台灣M老闆介紹,

十分抵又好新鮮既"美觀園"日本菜.  

我知我知, 好多人去過喇,甘我呢個大鄉里未去過.

大頭冇咩岩食, 食烏冬. 大人食魚生, 壽司. 埋單好似5舊幾港紙.

已經係我地全程食得最貴既一餐.

之後開始落雨, 大頭又扭眼訓.

所以去到忠考個邊就分開行, 佢地三個去買手信. 

我同老公就係地下街搵CAFE坐,俾大頭訓下.

末去到台灣, 我都好感受到台灣人既 “好客” 及 “熱情”

因為M老闆是台灣人, 整個行程他都有俾意見

(他說要為台灣旅遊業出點力喔 ^^ 攪笑~ )  

就算去夜市, 佢連邊一檔好食 都有介紹給我. 

那麼貼心的老闆, 我真幸運 (曬命ing~)

起行前他都跟我說, 台灣人的風氣都很喜歡小孩,

很多時都會給有小孩同行的一個方便.去過之後發現是.真.的 !!!

有小孩坐捷運時, 乘客們見到大頭會即刻起來讓座. 

我們試過因只坐一個站捥拒, 但他們仍熱心地請我們坐. 嗚嗚…

真的好感動 !!!

仲有一次, 有兩位乘客見狀, 亦馬上讓坐. (P.S.: 係兩個同時彈開)  

我們不好意思說一個好了. 但另外一位先生很好心地說,

坐下來方便照顧小孩呀.   有時就係呢個小小既動作,  

在台灣既幾日, 深深受到這些細微的行動感動了 …

好像扯得有一點點遠是嗎 ~

到晚上仲係好凍同落雨, D 及 Y 去會 “孫燕姿”演唱會

我們一家跟J 在西門町閒逛, 返酒店食埋一堆宵夜就沖涼訓覺.

第一天~ 完~

第一天的小插曲 :  在忠考站等她們時, 找了一間CAFE 坐讓大頭睡覺.  哈, 叫飲品時見到一個有個雪榚吐司.  才加20蚊港紙, 照片來看"小小的" ... 貪食叫了一個. 點知黎到, 好似大頭個頭甘大 (呆 ).

可能在香港習慣貨不對板 (通常都是偏小) 真的沒有想到會大成這樣... 是我在香港太習慣了貨不對辦, 所以才會有這的 "驚喜"呢~  

Please follow :

Fans Page : https://www.facebook.com/emmatungxmakeup

Blogspot : http://sillyemmaxemma.blogspot.hk/

Sina blog : http://emmaxemmaxemma.mysinablog.com/

The Ztyle blog : http://sillyemma.theztyle.com

Email : emma.tung0303@gmail.com 

Instagram : emmaxemma